पोखरा । जिल्ला अदालत कास्कीले सूर्यदर्शन सहकारी प्रकरणमा पक्राउ परेका सातै जनालाई धरौटीमा रिहा गर्न आदेश दिएको छ ।
बिहीबार जिल्ला न्यायाधीश नितिज राईको इजलासले रवि लामिछानेसहित छविलाल जोशी, लिला पछाईं, रामबहादुर खनाल, मिना गुरुङ, विष्णु बहादुर गुरुङ र आरती गुरुङलाई धरौटीमा छोड्न आदेश दिएको हो ।
आदेशअनुसार रवि लामिछानेसँग ६५ लाख रुपैयाँ, छविलाल जोशीसँग ८८ लाख रुपैयाँ, लिला पछाईंसँग ३७ लाख रुपैयाँ, रामबहादुर खनालसँग १५ लाख रुपैयाँ धरौटी माग गरिएको छ ।
यस्तै, मिना गुरुङलाई ५ लाख रुपैयाँ, कृष्ण बहादुर गुरुङलाई १ लाख रुपैयाँ र आरती गुरुङसँग ५ लाख रुपैयाँ धरौटी माग गरिएको छ ।
पुस २५, २०८१ ०६:१८ मा प्रकाशित
