काठमाडौँ । गैरआवासीय नेपाली संघ (एनआरएनए) को टोलीले नवनियुक्त परराष्ट्रमन्त्री आरजु राणासंग भेटघाट गरेको छ। एनआरएनएका संस्थापक अध्यक्ष डा उपेन्द्र महतोको नेतृत्वमा भएको टोलीले मन्त्री राणाको सफल कार्यकालको लागि बधाई तथा शुभकामना दिएको थियो ।
विहिवार काठमाण्डौमा भएको भेटमा संघका अध्यक्ष डा. बद्री केसीले परराष्ट्रमन्त्री समक्ष एनआरएन अभियानका समसामयीक विषयमा धारणाहरु राखेका थिए । मन्त्री राणाले एनआरएन अभियानसँग जोडिएर मुलुकको समृद्धिका निम्ति रचनात्मक सहकार्य गर्ने वचनवद्धता व्यक्त गरेकी थिइन् ।
भेटमा एनआरएनए उपाध्यक्ष रोजिना प्रधान, अर्जुन श्रेष्ठ लगायतको उपस्थिति थियो । यसअघि सो टोलीले गृहमन्त्री रमेश लेखक, अर्थमन्त्री विष्णु पौडेलसंग भेटघाट गरेको थियो ।
श्रावण ३, २०८१ ०१:२२ मा प्रकाशित
