काठमाडौँ । पूर्वप्रधानमन्त्री डा बाबुराम भट्टराईले बिभिन्न माग राख्दै काठमाडौँमा दलित समूदायले गरिरहेको आन्दोलनप्रति ऐक्यवद्धता जनाएका छन् ।
शनिबार काठमाडौँको माइतिघर पुगेर भट्टराईले दलितका लागि दलित अभियान, नेपालले गरिरहेको आन्दोलतप्रति ऐक्यवद्धता जनाएका हुन् । सो क्रममा भट्टराईले दलित अधिकार र समावेशीतालाई बलियो बनाउँदै जातीय भेदभावको जरैसम्म अन्त्य गर्नुपर्ने बताए । दलित अधिकारका लागि उठाएको मुद्दा निकै गम्भीर भएको भन्दै सबै मिलेर यसको समाधानका लागि प्रणालीमा सुधार गर्नुपर्ने उनले बताए । उनले आफूले दलित समुदायका लागि १०–१२ प्रतिशत समावेशी अनिवार्य प्रतिनिधित्व गर्नुपर्ने प्रस्ताव संविधान बनाउने समयमा राखेपनि सफल हुन नसकेको धारणा राखे ।
दलितका लागि दलित अभियान, नेपालले सरकार निर्माण तथा राजनीतिक नियुक्तिमा दलित समुदायलाई घृणा गरिएको भन्दै निरन्तर धर्ना दिदै आएको छ । राज्यका महत्वपूर्ण निकायमा दलित समुदायको प्रतिनिधित्व गर्नका लागि निरन्तर दवाव दिने दलितका लागि दलित अभियानले जनाएको छ ।
