बाँके । बाँकेको जानकी गाउँपालिका वडा नम्वर ६ मा लागुऔषध कारोबारी पक्राउ गर्न बाँकेमा प्रहरीले गोली चलाएको छ । जिल्ला प्रहरी कार्यालय बाँकेका डिएसपी नारयाण डाँगीका अनुसार जिल्ला प्रहरी कार्यालय बाँके र लागुऔषध नियन्त्रण ब्यूरोबाट खटिएको टोलीले गोली चलाएको बताए ।
कोहलपुर नगरपालिका–१२ चप्पलगौडी बस्ने २६ वर्षीय सुशील परियारलाई गोली प्रहार गरी पक्राउ गरिएको प्रवक्ता डाँगीले बताए । त्यसैगरी सोही ठाउँका २७ वर्षीय प्रमोद कार्की पनि पक्राउ परेका छन् । उनीहरुको साथबाट ११४.२५ ग्राम ब्राउन सुगर बरामद गरेको प्रवक्ता डाँगीले जानकारी दिए ।
वैशाख २७, २०८१ ११:४२ मा प्रकाशित
