पोखरा । नेपाल समाजवादी पार्टीका सांसद फणीन्द्र देवकोटा पुनः मन्त्री नियुक्त भएका छन् । उनी यसअघि कै मन्त्री अर्थात ऊर्जा, जलस्रोत तथा खानेपानी मन्त्री नियुक्त भएका हुन् । सर्वोच्चबाट मुद्दा जितेर संसद फर्किएका देवकोटालाई मुख्यमन्त्री सुरेन्द्रराज पाण्डेले आज पुन मन्त्री नियुक्त गरे । उनले सपथ ग्रहण गरिसकेका छन् ।
माओवादीको चुनाव चिह्नबाट विजयी भएका देवकोटाले ह्वीप उल्लंघन गरेर मुख्यमन्त्री पाण्डेलाई विश्वासको मत दिएपछि उनलाई माओवादीले पदमुक्त गर्ने निर्णय गरेको थियो । उनकै मतका कारण पाण्डे मुख्यमन्त्री बनेका थिए ।
माओवादीले पदमुक्त गरेपछि अदालत पुगेका देवकोटालाई प्रदेश सभा सदस्यको हैसियतमा काम गर्न दिन भन्दै सर्वोच्चले आदेश गरेको थियो ।
असार १६, २०८१ ११:४४ मा प्रकाशित
