काठामाडौँ । नागरिकता किर्ते प्रकरणमा वीरगंजका मेयर राजेशमान सिंहलाई कारबाहीको माग गर्दै प्रदर्शन गर्नेहरुलाई प्रहरीले पक्राउ गरेको छ । शनिबार स्थानीय सर्वसाधारण तथा विभिन्न राजनीतिक दलका नेता कार्यकर्ताहरूले वीरगंजको घण्टाघर, माईस्थान, महाविरस्थान, आर्दशनगर लगायतको स्थानमा टायर बालेर प्रदर्शन गरेका थिए । सो क्रममा प्रहरीले चार जनालाई पक्राउ गरेको हो ।
पक्राउ पर्नेमा स्थानीय नवसाद आलम, बरकत अलि, रमजान शेख र अफताब आलम रहेका छन् ।
मेयर राजेशमान सिंहले किर्ते गरी रुबिना श्रेष्ठ नाम गरेकी युवतीलाई नागरिकता दिलाएको विषय सिधाकुराले खुलासा गरेको थियो । त्यसपछि मेयरलाई कारवाहीको माग गर्दै वीरगंजमा निरन्तर बिरोध प्रदर्शन हुँदै आएको छ ।
स्थानीयहरूले शुक्रबार मेयरको किर्ते नदेखेको भन्दै दिउँसै लालटिन बालेर जुलुस निकालेका थिए । कारबाही प्रकृया अगाडि नबढाउने पर्साका प्रहरी उपरिक्षक कुमोद ढुङ्गेल र प्रमुख जिल्ला अधिकारी दिनेश सागर भुषालको पुत्ला दहन गरेको थिए ।
