गाजाको रफाह सहरको एउटा सुरुङमा हमासले बन्धक बनाएका ६ जनाको शव भेटिएको छ। अक्टोबर ६ मा हमासले बन्दक बनाएकाहरुको शव भेटिएको भन्दै इजरेली सेनाले उनीहरुको विवरण सार्वजनिक गरेको छ।
शव भेटिएका मध्ये पाँच जना इजरेली नागरिक रहेका छन् भने एक जना अमेरिकी नागरिक रहेको बताइएको छ।
अमेरिकी राष्ट्रपति जो बाइडनले पनि एक जना मृतक हेर्स गोल्डबर्ग पोलिन अमेरिकी नागरिक रहेको बताएका छन् । उनले भनेका छन् “म शोकाकुल र क्रुद्ध भएको छु,” । अमेरिकी नागरिक पोलिन हमासको एक भिडियोमा हात काटिएको अवस्थामा देखिएका थिए।
एक विज्ञप्तिमा जारी गर्दै बाइडनले उक्त मृत्युलाई दुखद र निन्दनीय भन्दै आफ्नो अपराधका लागि हमासका नेताहरूले मूल्य चुकाउनुपर्ने बताए।
बेपत्ता परिवारहरूको समूह द मिसिङ फ्यामिलिज फोरमले इजरेली प्रधानमन्त्री नेतन्याहूलाई बाँकी बन्धकहरूको रिहाइका लागि युद्धविराम सहमति जनाउन पुनः अनुरोध गरेको छ।
यता इजरेली डिफेन्स फोर्सेसले ती शवहरु इजरेली भूभागमा फिर्ता गरिएको जनाएको छ ।
“उनीहरू सबैलाई अक्टोबर ७ मा बन्धक बनाइएको थियो र हमास आतङ्कवादी सङ्गठनले गाजा स्ट्रीपमा हत्या गरिदिएको छ।”इजरेल डिफेन्स फोर्सेस (आइडिएफ)ले भनेको छ ।
इजरेल डिफेन्स फोर्सेजका एकजना प्रवक्ता ड्यान्यल हेगारीले आफ्ना फौजहरू पुग्नु केही समयअघि मात्रै हमासले तिनीहरूलाई मारिदिएको बताएका छन्।
बन्धकका परिवारहरूले इजरेली सरकारले युद्धविरामको लागि सहमति जनाएको भए यस्तो परिस्थिति नआउने धारणा राखेका छन्। स्रोतः बीबीसी
