काठमाडाैँ । पूर्वप्रधानमन्त्री एवं नेपाल समाजवादी पार्टीका अध्यक्ष बाबुराम भट्टराईले मिटरब्याज पीडितको आन्दोलनमा ऐक्यबद्धता जनाएका छन् ।
बिहीबार काठमाडौँको भृकुटीमण्डपमा पुगेर भट्टराईले मिटरब्याज पीडितको आन्दोलनमा पूर्ण समर्थन रहेको बताएका हुन् । भृकुटीमण्डपबाट र्यालीसहित भद्रकाली पुगेका भट्टराईले गरिव निमुखाहरुलाई ऋण दिएर तीनगुना ज्यादा असुल गर्ने र नभए घर जग्गा कव्जा गर्ने क्रम रोकिनुपर्नेे बताए । उनले आफ्नो समस्या समाधानका लागि काठमाडौं आएका मिटरब्याज पीडितको समस्या समाधान हुनुपर्ने जिकिर गरेका छन् । भट्टराईले माग पुरा हुन नसके मिटरब्याज पीडित लगाएतले नयाँ विद्रोह गर्नुपर्ने अवस्था आउन सक्ने बताए ।
सामूहिक ऋण मिनाहा गर्नुपर्ने, आम गरिव किसानहरुलाई निशुल्क ऋण प्रदान गर्नुपर्ने, जुनसुकै तहमा हस्तान्तरण भएको सम्पती फिर्ता हुनुपर्ने, अधिकारसम्पन्न न्यायीक आयोग गठन हुनुपर्ने लगाएतका ६ बुँदे मागसहित मिटरब्याज पीडितहरु काठमाडौँ केन्द्रीत आन्दोलनमा छन् ।
