काठमाडाैँ । दसैँ नजिकिएसँगै ललितपुरको गुसिङगलमा दुर्गाको मूर्ति बनाउन व्यस्त देखिन्छ ५८ वर्षीय बिकाउ पण्डित । उनीसँगै काम गर्ने अन्य कालिगढ पनि व्यस्त छन् । ४१ वर्षदेखि मूर्ति बनाउन थालेका पण्डित अहिले पनि उस्तै फुर्तीका साथ काम गरिरहन्छन् ।
दशैँमा दुर्गा, गणेश, कुमार र सरस्वतीको पूजा गर्ने प्रचलन रहेको हुनाले विभिन्न ठाउँबाट आएका अर्डरका मूर्ति बनाउन उनी सँगै अन्य कालिगढहरु व्यस्त छन् । घटस्थापनाको दिनदेखि नौ रातसम्म देवी दुर्गा भगवतीको विभिन्न स्वरूपको पूजा आराधना गरिन्छ । यो समयमा दुर्गाको मुर्तिको माग बढेका कारण उनीहरू निकै व्यस्त देखिन्छ ।
आश्विन १६, २०८१ ०४:०० मा प्रकाशित
