काठमाडौँ । काठमाडौँ महानगरपालिकाले न्युरोड क्षेत्रका सडकमा गरिने दुईपाङ्ग्रे सवारी साधनको पार्किङ्ग हटाएपछि अहिले गल्ली र चोकहरु पार्किङ्ग स्थलको रुपमा परिणत भएका छन् ।
विशेष गरि महानगरपालिकाभित्र वसन्तपुर दरबार स्क्वायर क्षेत्रका गल्ली, काष्ठमण्डव वरिपरिका क्षेत्र, मारुहिती क्षेत्र अहिले पार्किङ्ग स्थल बनेका छन् । त्यसैगरि संकटा मन्दिर क्षेत्र पनि पार्किङ्ग स्थलमा परिणत भएको छ ।
साँस्कृतिक नगरिको रुपमा परिचित काठमाडौँ महानगरका सम्पदाहरु मोटरसाइकल र स्कुटरले छोपिएको छ ।
यसरी गल्ली र चोकहरुमा पार्किङ्ग गर्नाले पैदलयात्रा गर्ने सर्वसाधारणलाई समस्या परेको भने नेपाल भ्रमणमा आउने विदेशी पर्यटकले के सन्देश र सूचना लिने हो यस कुरा पनि सम्बन्धित निकायले ध्यान दिन आवश्यक देखिएको छ ।
न्युरोडको पार्किङको विकल्पमा महानगरले सुन्धारामा पार्किङ्गको निशुल्क व्यवस्था गरिदिएको छ तर पसल अगाडि लगेर मोटरसाइकल रोक्ने बानीले गल्लीहरु पार्किङ्मा परिणत भएका छन् ।
