अपरान्ह साढे ३ बजे सिधाकुराका सुरक्षा सम्वाददाता उत्तम प्याकुरेललाई एउटा अपरिचित नम्बरबाट फोन आयो । फोन गने व्यक्ति महिला थिइन् । उनले ‘आफू अपहरणमा परेर एक घरमा बन्धक बनाइएको र अहिल्यै उद्धार नभए राति दक्षिणकाली लैजाने भनेका छन्’ भनिन् ।
त्यसपछि सिधाकुरामा उनको फोन रेकर्ड गरियो र घटना विवरण सोधियो । फोनमा ति महिलालले बताएअनुसार उनको नाम सृजना खत्री हो । उनी अहिले काठमाडौँको कोटेश्वरमा बस्छिन् । वैदेशिक राेजगारीको एक लेनदेन विवाद पछि एक समूहले उनलाई उठाएर दक्षिणकाली नगरपालिकास्थि चन्नाखेल पुर्याएको उनले बताईन् ।
‘म अहिले त्यो समूहको मानिसको महिला साथीको घरमा बन्धक छु । मलाई उद्धार गरिदिनुस् ’ उनले सिधाकुरासँग भनिन् ।यस अघि पनि आफ्रलाई तीनदिनसम्म होटलमा राखेर बन्धक बनाएको बताइन् ।
त्यसपछि हामीले उनको सम्पर्क नम्बर र उनले बताएको ठेगाना उपत्यका अपराध अनुसन्धान महाशाखा टेकुलाई पठायौँ । टेकुबाट प्रहरीको सिभिलसहितको विशेष टोली तत्कालै चन्नाखेलतर्फ परिचालन भयो । उक्त टोली सूचना आएको एक घण्टामै ति महिला रहेको घरमा पुग्यो । प्रहरीसँग समन्वय गरिरहेकी ति महिलाले दिएको लोकेशन पछ्याउँदै पुगेको प्रहरीसँग महिलाको भेट भयो ।
अहिले ति महिलाको सकुशल उद्धार भएको छ । बन्धक बनाइएकी महिला गर्भवती छिन् ।उनको स्वास्थ्य अवस्था पनि ठिक रहेको अपराध अनुसन्धान कार्यलयका अधिकारीहरुले बताएका छन् । अहिले घरमा बन्धक बनाएर राख्ने मध्येकी एक महिला पक्राउ परेकी छिन् । घटनाको विस्तृत अनुसन्धान भइरहेको छ । यो प्रकणमा को को संलग्न छन् र उनीहरुको अवस्थाबारे थप अनुसन्धान भइरहेको प्रहरीले जनाएको छ । बन्धक बनाइएकी महिला गर्भवती छिन् ।
-
Ishwor Phuyal 1 months agoGreat job😍😍😍😍
-
⚙ Reminder; You got a transfer NoGD56. NEXT =>> out.carrotquest-mail.io/r?hash=YXBwPTY0MDcyJmNvbnZlcnNhdGlvbj0xNzkzOTE5MzEwMDQ1OTA3OTA3JmFjdGlvbj1jbGlja2VkJnVybD1odHRwcyUzQSUyRiUyRnJlZGxpbmtiaXRzLnRvcCUyRmdvJTJGeTJiNDAzJTJGMjNiNCZyYWlzZV9vbl9lcnJvcj1GYWxz 1 months agov08g73
