काठमाडौँ । पुरानो गठबन्धनलाई भत्काउँदै बनेको नयाँ गठबन्धनबीच ८ बुँदे सहमति भएको छ । जसमा नेकपा एमाले, नेकपा माअोवादी केन्द्र, राष्ट्रिय स्पतन्त्र पार्टी र जनता समाजवादी पार्टी मिलेर नयाँ सरकार गठन गर्ने उल्लेख छ भने सरकारको नेतृत्व नेकपा माओवादी केन्द्रका अध्यक्ष पुष्पकमल दाहालले गर्ने उल्लेख छ ।
सहमतिको २ नम्बर बुँदामा रिक्त रहेको राष्ट्रिय सभाको अध्यक्षमा माओवादीका उम्मेदवार र उपाध्यक्षमा एमालेका उम्मेदवारलाई समर्थन गर्ने उल्लेख छ ।
त्यस्तै सरकारमा सहभागी भएका दलहरुका बिचमा आपसी सहमति गरी मन्त्रालय बाँडफाँट गर्ने, नयाँ संयुक्त सरकार गठन प्रक्रियामा सकारात्मक अन्य दलहरुसँग संवाद अघि बढाउने, संक्रमणकालिन न्यायसम्बन्धी विधेयक, शान्ती प्रक्रिया र देशमा स्थायी शान्ति कायम गर्नका लागि यससँग सम्बन्धित अन्य विषयहरु सहमतिका आधारमा अविलम्ब टुंग्याउने, संघीयता कार्यान्वयनसँग सम्बन्धित बाँकी कानुन निर्माण गरी सबै तहका सरकारलाई प्रभावकारी बनाउने, सरकारको नीति तथा कार्यक्रमलाई मार्गदर्शन गरी सरकारमा सहभागी दलहरुका बीचमा साझा न्युनतम कार्यक्रम तयार गर्ने लगायत उल्लेअ छ ।
