नेकपा एमालेका अध्यक्ष केपी शर्मा ओलीले मुलुकको बिकास एमाले बाहेक अरु कसैले गर्न नसक्ने बताएका छन् ।
महाकाली—मेची अभिायनअन्तर्गतको सभालाई शनिबार अछामको साँफे बगरमा सम्बोधन गर्दै अध्यक्ष ओलीले एमाले सरकारबाट हटेपछि देशको बिकास हुन नसकेको भन्दै मुलुकको बिकास एमाले बाहेक अरु कसैले गर्न नसक्ने बताएका हुन् ।
गठबन्धन सरकार आएपछि अहिले देशमा अस्थिरता र अराजकता फैलिएको र ओरालो लागेको उनको भनाई छ । उनले सरकारको ध्यान देश बिकासमा नभई तस्करी भ्रष्टाचारमा केन्द्रीत रहेको आरोप लगाए । ओलीले नेपाललाई समृद्ध र नेपाली जनतालाई सुखी बनाउनका लागि देशभरको अवस्था बुझ्न महाकाली—मेची अभियान गरिएको जिकिर गरे ।
उनले एमालेका हरेक नेता तथा कार्यकर्ताहरु आन्तरिक एकताका साथ पार्टीको अभियानमा लाग्न निर्देशन समेथ दिए ।
मंसिर १६, २०८० १०:१७ मा प्रकाशित
