काठमाडौँ । राष्ट्रिय स्वतन्त्र पार्टीका उपसभापति डा. स्वर्णिम वाग्लेले आरोप लागेमा मन्त्री र सांसदले पदबाट राजीनामा दिन तयार हो ? भन्दै कांग्रेसलाई प्रश्न गरेका छन् । प्रतिनिधिसभा बैठकका क्रममा बोल्दै डा. वाग्लेले त्यसो भए रास्वपाले सबैभन्दा पहिला हस्ताक्षर गर्ने बताएका हुन् ।
‘आरोप लाग्यो, जाहेरी पर्यो भने राजीनामा दिने र संसदीय समिति गठन गर्ने यो नजिर हामीले स्थापना गर्न तयार हो ? त्यसो हो भने पहिलो हस्ताक्षर रास्वपाले गर्नेछ ।’ वाग्लेले भने ।
साथै उनले कांग्रेसले गृहमन्त्री रवि लामिछानेलाई सदनमा जवाफ दिन नदिनु गलत भएको बताएका छन् । उनले गृहमन्त्री रवि लामिछानेले आफूमाथि लागेको आक्षेपका विषयमा रोष्ट्रममा उभिएर जवाफ दिन तयार रहेको बताईरहँदा निषेध गरिनु गलत भएको बताएका हुन् ।
चैत्र २१, २०८० ०२:५८ मा प्रकाशित
