काठमाडौँ । नवनियुक्त प्रधानमन्त्री केपी शर्मा ओलीले पदभार ग्रहण गरेका छन् । उनलाई सिंहदरवारस्थित प्रधानमन्त्री कार्यालयका कर्मचारीहरुले फूलमाला, टिका लगाएर स्वागत गरेका छन् । उनको स्वागतमा प्रधानमन्त्री कार्यालयमा स्वस्थानी समेत बाचन गरेका थिए ।
प्रधानमन्त्रीको सपथ ग्रहण गरेपछि ओली लैनचौरस्थित सहिदहरुको शालिकमा माल्यार्पण गर्न पुगेका थिए । त्यसपछि उनले ललितपुरको च्यासलस्थित नेकपा (एमाले) को केन्द्रीय कार्यालय पुगि संस्थापक नेता पुष्पलाल श्रेष्ठ, एमालेका पूर्वअध्यक्ष मनमोहन अधिकारी तथा पार्टीका तत्कालीन महासचिव मदन भण्डारीको तस्बिरमा माल्यापर्ण गरेका थिए ।
असार ३१, २०८१ ०३:४९ मा प्रकाशित
