२४ पुस, नेपाल दुरसञ्चार प्राधिकरणका अध्यक्ष पुरुषोत्तम खनालले राजीनामा दिएका छन् । मंगलबार बिहान मन्त्रालय पुगेर सञ्चार तथा सूचना प्रविधि मन्त्री रेखा शर्मालाई खनालले राजीनामा बुझाएका हुन् ।
सञ्चार मन्त्रालय स्रोतले प्राधिकरणका अध्यक्ष खानलले राजीनामा दिएको पुष्टी गर्याे । मन्त्रालयमा राजीनामा बुझाए पछि अध्यक्ष खनाल प्राधिकरण आएका थिए । प्राधिकरणमा केहीबेर बसेका खनालले राजीनामाबारे भने केही नबाेली कार्यालयबाट बाहिरीएकाे प्राधिकरणका एक अधिकारीले बताए ।
तत्कालिन नेकपा सरकारले २०७६ साउन ६ गते खनाललाई ५ वर्षका लागि प्राधिकरणको अध्यक्षमा नियुक्त गरेको थियो । प्राधिकरणमा खनालको पदावधि २०८१ साउनसम्म हुने थियो । प्राधिकरण माथि भ्रष्टाचारको आरोपमा अहिले अख्तियार दुरुयोग अनुसन्धान आयोगले अनुसन्धान गरिरहेको छ। अवैध फोनका गतिविधि अनुगमन गर्ने प्रविधि (टेरामक्स) र मोबाइल डिभाइस म्यानेजमेन्ट सिस्टम (एमडीएमए) खरिद प्रक्रियाबारे छानबिन भइरहेको थियो ।
