काठमाडौँ । प्रचण्ड नेतृत्वको गठबन्धनमा राष्ट्रिय स्वतन्त्र पार्टीले उपप्रधान र गृहसहित ३ मन्त्री र एक राज्य मन्त्री पाउने निश्चित भएको छ । सत्ता गठबन्धनको बालुवाटारमा बसेको बैठकले दलहरूले पाउने मन्त्रालयको टुंगो लगाएको हो ।
‘उपप्रधान एवम् गृहसहित ३ मन्त्रालय र एक मन्त्रालयमा रास्वपाले राज्यमन्त्री पाउने टुंगो लागेको छ,’ उच्च स्रोतले सिधाकुरासंग भन्यो, ‘अब मन्त्रालय र मन्त्रीको टुंगो लगाउन अन्तिम कसरत बाँकी छ ।’
रास्वपाले आफ्ना सांसदहरूसँग मन्त्री बन्न इच्छुक भएकाहरूलाई आफ्नो योजना र दाबी पेश गर्न समेत भनिसकेको छ । जसअनुसार करिब करिब मन्त्री बन्ने उम्मेदवारको टुंगो लागेको छ । रास्वपाबाट पार्टी सभापति बाहेक अन्य उम्मेदवार मन्त्रीमा नदोहोरिन सक्ने सम्भावना बढेको एक नेताले बताए ।
फाल्गुन २३, २०८० १०:३१ मा प्रकाशित
