काठमाडौँ । नेपाली कांग्रेसले सरकारको नेतृत्व गर्न आफूहरु प्रयासरत रहेको बताएको छ । सोमबार पार्टी सभापति शेरबहादुर देउवाको निवास बूढानीलकण्ठमा बसेको पदाधिकारी र पूर्वपदाधिकारी बैठकपछि प्रतिक्रिया कांग्रेस प्रवक्ता प्रकाशशरण महतले पार्टीका नेताहरुले छलफल गरिरहेको पुष्टि गरेका हुन् । यद्यपी आजको बैठकमा भने सो विषयमा छलफल नभएको उनले दावी गरे ।
‘नेतृत्व तहले विभिन्न दलहरुसँग छलफल गरिरहेको छ । राष्ट्रिय मुद्दामा पनि छलफल भइरहेको छ ।’ महतले भने, ‘हाम्रो लागि मुद्दा ठूलो कुरा हो । सत्ता ठूलो होइन । मुद्दाहरुमा एकरुपता आयो भने यो विषयले प्राथमिकता पाउँछ ।’
त्यस्तै उनले बीआरआई कार्यान्वयनका सम्बन्धमा ऋणको आकार बढाउन नहुने बताए । उनले ऋण लिने अवस्था देहको नभएको भन्दै अनुदानमा यसलाई अघि बढाउनुपर्ने बताए ।
असार १७, २०८१ ०५:५५ मा प्रकाशित
