राष्ट्रिय स्वतन्त्र पार्टीको केन्द्रीय समिति र संसदीय दलको संयुक्त बैठकमा सांसदहरुले एक वर्षमा आफूहरुले गरेको कामको प्रगति विवरणमाथि छलफल जारी छ ।
महोत्तरीको जलेश्वरमा जारी बैठकमा सांसदहरुले आफ्नो रिपोर्ट कार्ड साथै भावी योजनाहरु प्रस्तुत गरिरहेका छन् ।
बैठकमा बोल्न प्रत्येक सांसदहरुलाई ७ मिनेटको समय दिइएको छ भने आजै प्रदेश सभापतिहरुले पनि प्रदेश प्रतिवेदन पेश गर्ने कायैसूचि रहेको छ ।
त्यस्तै आजकै बैठकमा पार्टीका विभिन्न आयोगहरुले प्रतिवेदन समेत पेश गर्नेछन् ।
आजदेखि तीन दिनसम्म बस्ने केन्द्रीय अनुशासन आयोग, केन्द्रीय लेखा आयोग र प्रदेश सभापतिहरूको समेत सहभागिता भएको बैठकमा राजनीतिक, साङ्गठनिक, आर्थिक, अनुशासनसम्बन्धी प्रतिवेदन प्रस्तुत हुनुका साथै सांसद र संसदीय कार्यको समीक्षा, पार्टीको समग्र रणनीति र महाधिवेशनलगायत विषयमा छलफल हुनेछ ।
मंसिर ११, २०८० ११:१९ मा प्रकाशित
