बाँके । बाँकेको कोहलपुरमा आफ्नै श्रीमतीलाई धारिलो हतियार प्रहार गरि श्रीमानले हत्या गरेका छन् । बाँके कोहलपुर–१४ बस्दै आएका २२ वर्षीया अनिल विकले २१ वर्षिया श्रीमती सुशिला सुनारमाथि धारिलो हतियार प्रहार गरि हत्या गरको प्रहरीले जनाएको छ ।
बर्दियाको बाँसगढी घर भएका अनिल दम्पत्ति बाँकेको कोहलपुर–१४ पावर्तीपुरमा बस्दै आएका थिए । सोमबार राती उनीहरुबिच
झगडा हुँदा अनिलले श्रीमती सुशिलामाथि धारिलो हतियार प्रहार गरेर गम्भीर घाइते बनाएको कोहलपुर प्रहरीका निमित्त प्रमुख प्रहरी निरीक्षक देवराज भट्टराईले बताए ।
गम्भीर घाइते भएकी सुशिलालाई नेपालगन्ज मेडिकल कलेज, शिक्षण अस्पताल कोहलपुर पुर्याउनासाथ चिकित्सकले मृत घोषणा गरेको उनले बताए ।
अनिल दम्पत्तीले पावर्तीपुरस्थित बागेश्वरी हिम पाइप उद्योगमा काम गर्दै आएका थिए । उद्योगको कामदार आवास क्षेत्रको कोठामा नै धारीलो हतियार प्रहार भएको प्रहरी निरीक्षक भट्टराईले बताए । के कारणले झगडा भएको थियो भन्ने विषय खुल्न बाँकी रहेको र श्रीमतीको हत्या अभियोगमा अनिललाई पक्राउ गरिउको प्रहरीले जनाएको छ ।
