काठमाडाैँ । डडेल्धुरामा मंगलबार राति दुर्घटना भएको बसमा परि मृत्यु हुनेको संख्या ५ पुगेको छ । दुर्घटनामा परि मृत्यु भएका १ जनाको शव बुधबार बिहान भेटिएपछि मृतकको संख्या ५ पुगेको प्रहरीले जनाएको छ ।
जिल्ला प्रहरी कार्यालय डडेल्धुराका अनुसार बैतडीका ६० वर्षीया गोवणी महराको शव बुधबार बिहान घटनास्थलबाट निकालिएको हो ।
यसअघि नै दुर्घटनामा मृत्यु भएका अन्य चारजनाको सनाखत भइसकेको छ । प्रहरीले दुर्घटनामा परि बैतडीको पुर्चौंडी नगरपालिका–३ का ४५ वर्षीया जयमति बोहरा, सोही ठाउँकी २० वर्षीया कमला बोहरा, निजका छोरा र सोही ठाउँका २२ वर्षीय सहदेव बोहराको मृत्यु भएको यसअघि नै पुष्टि गरेको थियो ।
त्यस्तै दुर्घटनामा परि १२ जना घाइते भएका छन् । घाइते भएकाहरुकाे उपचारका लागि धनगढी पठाइएको छ ।
आश्विन ३०, २०८१ ११:४८ मा प्रकाशित
