काठमाडौँ । जल तथा मौसम पूर्वानुमान महाशाखाले तराईका आधा दर्जन बढी जिल्ला उच्च तापक्रमको चपेटामा पर्ने भन्दै सतर्कता अपनाउन आग्रह गरेको छ ।
शनिबार साँझ जारी गरिएको मौसम पूर्वानुमान सूचनाअनुसार आइतबार र सोमबार तराईका ७ जिल्ला तातो हावा (तातो लहर) बाट प्रभावित हुने उल्लेख छ ।
महाशाखाले आइतबार दिउँसो धनगढीको तापक्रम ४२ डिग्री पुग्ने अनुमान गरेको छ । उच्च तापक्रमका कारण रूपन्देही, कपिलवस्तु, दाङ, बाँके, बर्दीया, कैलाली र कन्चनपुर जिल्ला प्रभावित हुनेछन् ।
ति जिल्लाको न्यूनतम् तापक्रम नै ३९ डिग्री सेल्सियस रहने भन्दै महाशाखाले ७ वटा जिल्लामा उच्च तापक्रमबाट बच्न तत्काल कदम चाल्नु पर्ने खतराको अवस्था रहेको उल्लेख गरेको छ ।
जेष्ठ २७, २०८१ ११:५० मा प्रकाशित
