इलाम । इलामको रोङ गाउँपालिकाको बाघखोरमा भ्यान दुर्घट्ना हुँदा एक जनाको मृत्यु भएको छ ।
झापाबाट इलामतर्फ आउँदै गरेको भ्यान दुर्घटनामा पर्दा देउमाई नगरपालिका–५ का २४ वर्षीय दिपेश राईको मृत्यु भएको जिल्ला ट्राफिक कार्यालय इलामले जनाएको छ ।
दुर्घटनामा गम्भिर घाइते भएका विश्वाश राईलाई उपचारको लागि झापा रेफर गरिएको छ ।
इलाममा विजय सभाबाट फर्कदै गरेको गाडी दुर्घटना, १७ जना घाइते
नेकपा एमालेका उम्मेदवार सुहाङ नेम्वाङको विजयी सभाबाट फर्कदै गरेको पिकअप दुर्घटना हुँदा इलाममा १७ जना घाइते भएका छन् । मंगलबार इलामको चोक बजारमा आयोजित चुनाबी सभामा सहभागी भएर फर्केको पिकअप इलाम नगरपालिका ५ बरबोटेमा दुर्घटनामा परेको हो ।
दुर्घटनामा परि घाइते भएका मध्ये २ जनाको अवस्था गम्भिर रहेको जिल्ला प्रहरी कार्यालय इलामका डिएस्पी प्रकाश जबेगुले जानकारी दिए । उनका अनुसार गम्भीर घाइतेलाई थप उपचारको लागि झापा रिफर गरिएको छ ।अन्यको जिल्ला अस्पताल इलाममा उपचार भइरहेको छ ।
घाइते हुनेहरुमा इलाम नगरपालिका ४ र ५ का सर्वसाधारण रहेका छन्।
