काठमाडौं । भारतको उत्तराखण्डस्थित नैनीतालमा सवारी दुर्घटना हुँदा ७ नेपालीसहित ८ जनाको मृत्यु भएको छ । दुर्घटनामा अन्य दुई जना नेपाली घाइते भएका छन् । टाइम्स अफ इण्डियाका अनुसार मृत्यु हुने नेपालीहरु महेन्द्रनगरका हुन् ।
दुर्घटनामा ज्यान गुमाउनेमा ५० वर्षीय शिवराम चौधरी, ४० वर्षीय अनन्तराम चौधरी, ३८ वर्षीय विनोद चौधरी, ५५ वर्षीय उदयराम चौधरी, ४५ वर्षीय तिलक चौधरी, ६० वर्षीय गोपाल र ४५ वर्षीय धिरज रहेका छन्। दुर्घटनामा छोटु चौधरी र जनक घाइते छन्।
सोमबार राति १० बजेपछि नेपाली श्रमिकहरु सवार जिप भिरबाट झण्डै दुई सय मिटर तल खसेर दुर्घटनामा परेको हो। नेपाली श्रमिक घर फर्किंदै गर्दा दुर्घटनामा परेका हुन्।
चैत्र २७, २०८० ०१:४३ मा प्रकाशित
