बाँके । नेपालगन्जमा गएराति एक जनाको हत्या भएको छ । नेपालगन्ज उपमहानगरपालिका वडा नम्बर –११ का ३८ वर्षीय इरसद राई (कबाडिया) को हत्या भएको जिल्ला प्रहरी कार्यालय बाँकेका प्रवक्ता एवम् प्रहरी नायव उपरीक्षक नारायण डाँगीले बताए ।
उनका अनुुसार धारिलो हतियार प्रहार गरी एक समुहले राईको हत्या गरेको छ । हत्या गर्ने समुहको पहिचान नभएपनि उक्त समुहले प्रयोग गरेको मोटरसाईकल फेला परेको उनले बताए ।
प्रहरीको प्रारम्भिक अनुसन्धानबाट लागु औषध दुब्र्यशनीकर्ताबीच आपसमा विवाद भएको थियो । विवाद मिलाउन खोजेका राईको नै हत्या भएको प्रहरीले जनाएको छ । गम्भीर घाईते भएका राईलाई तत्कालै भेरी अस्पतालमा लगिएको थियो । अस्पतालमा उपचारका क्रममा उनको मृत्यु भएको हो । घटनाको अनुसन्धान भइरहेको छ ।
असार २९, २०८१ ०१:१७ मा प्रकाशित
