१३ असोज, सुर्खेत । सुर्खेतको वीरेनद्रनगरमा मोटरसाईकलको ठक्करबाट एक बालकको मृत्यु भएको छ । वीरेन्द्रनगर नगरपालिका–३ मा भएको दुर्घटनामा दैलेखको आठबीस नगरपालिकाका पाँच वर्षीय टुकदर्शन गिरीको मृत्यु भएको हो ।
मोटरसाईकलको ठक्करबाट घाइते भएका गिरीको उपचारको क्रममा आज बिहान कर्णली केयर अस्पतालमा मृत्यु भएको हो । दुर्घटना भएपछि मोटरसाइकल चालक फरार भएका छन् ।
सोही घटनापछि अहिले आफन्तले बालकका आफन्तले वीरेन्द्रनगरको मंगलगढीमा प्रदर्शन गरिरहेको छन् । उनीहरुले टायर बालेर बिरोध प्रदर्शन गरिरहेका छन् भने उनीहरुले बजारका सटरहरु बन्द गराउँदै हिडेका छन् । उनीहरुले फरार चालाकलाई पक्राउ गरी कारबाही गर्नुपर्ने र परिवारले क्षतिपूर्ति पाउनुपर्ने माग राखेका छन् ।
बालकको मृत्युपछि आन्दोलनकारी र प्रहरीबीच झडप समेत भएको छ । प्रहरीले उक्त क्षेत्रमा बाक्लो सुरक्षाकर्मी परिचालन गरेको छ ।
