काठमाडौँ । थाइ एयर एसियाले साताको चार दिन भैरहवा– थाइल्यान्ड उडान अनुमति पाएको छ। थाइ एयर एसियाले उडान अनुमति पाएको बारे प्रधानमन्त्री केपी शमो ओलीले जानकारी दिएका छन् ।
प्रधानमन्त्री ओलीका अनुसार यस सम्बन्धी कार्यदल गठन गरेर यसै साता बस्ने मन्त्रिपरिषद्को बैठकमा एयरपोर्ट सञ्चालन सम्बन्धी योजना पेश गर्ने जिम्मेवारी तोकिएको छ ।
त्यस्तै पोखरा र भैरहवा अन्तर्राष्ट्रिय विमानस्थललाई पूर्ण क्षमताका साथ अन्तर्राष्ट्रिय उडानको प्रयोगमा ल्याउनका लागि तयारी भईरहेको पनि प्रधानमन्त्री ओलीले बताएका छन् । ‘हिजो हामीले जिम्मेवारी तोकेका छौं। यी दुई विमानस्थल सञ्चालनमा ल्याउँदा त्रिभुवन अन्तर्राष्ट्रिय विमानस्थलको चाप पनि घट्ने छ। विमानस्थल सञ्चालन सम्बन्धी सुझाव दिन विज्ञहरुलाई समेत अनुरोध गर्छु’, ओलीले सामाजिक सञ्जालमा लेखेका छन् ।
श्रावण १९, २०८१ ११:४० मा प्रकाशित
