काठमाडौँ । तराइबासी हिन्दूहरुको ठूलो र पवित्र पर्व छठ पूजाको तयारी काठमाडौंमा अन्तिम चरणमा पुगेको छ । कडा धार्मिक नियम, आस्था र विश्वासका साथ मनाइने चार दिवसीय यो पर्व मंगलबार सुरु भएको छ । हिन्दू धार्मिक मान्यताको आधारमा यो पर्व वर्षमा दुई पटक कात्तिक र चैत्रमा निष्ठापूर्वक मनाइन्छ । कात्तिक शुक्ल चतुर्दशीका दिन सुरु हुने सूर्य उपासनाको यस चाड लाई तराई तथा मिथिलाञ्चल क्षेत्रमा महापर्व पनि भनिन्छ । बसाई सराईका कारण उपत्यका बासी तराई तथा मिथिलाञ्चल क्षेत्रका मानिसहरूका लागि भने पाशुपत क्षेत्रको गौरीघाट, कमल पोखरी, र कुपण्डोलस्थित बागमती नदी किनारा लाई सजाउने, झिलिमिली बत्तीले शृङ्गारिएको छ ।
कार्तिक २०, २०८१ ०७:३५ मा प्रकाशित
