असोज ९, काठमाडौं । सर्वोच्च अदालतले ललिता निवास जग्गा हिनामिना प्रकरणमा तत्कालीन प्रधानमन्त्री माधवकुमार नेपाल र डा.बाबुराम भट्टराईमाथि मुद्दा नचलाउनुको कारण मागेको छ ।
न्यायाधीश विनोद शर्माको एकल इजलासले माधवकुमार नेपाल र बाबुराम भट्टराईमाथि मुद्दा चलाउनु नपर्ने कारणसहित १५ दिनभित्र लिखित जवाफसहित उपस्थित हुन आदेश दिएको हो ।
वरिष्ठ अधिवक्ता बालकृष्ण न्यौपानेले नेपाल सरकार, सीआइबी लगायतलाई विपक्षी बनाएर रिट दर्ता गराएका थिए ।
आश्विन ९, २०८० ०९:१९ मा प्रकाशित
