कोरिया जान पाउँ भन्दै ललितपुरको बालकुमारीमा प्रदर्शनरत युवाहरुले सार्वजनिक यातायात तोडफोड गरेपछि भौतिक पूर्वाधार तथा यातायात मन्त्री प्रकाश ज्वालाको गाडीमा आगजनी गरेका हुन् ।
उनीहरुले मन्त्रीको गाडीमा आगो झोस्नुपूर्वनै बा ५ ख ८७१७ नम्बरको बागमती यातायातको बसमाथि तोडफोड गरेका हुन् । ढुंगा र इँटा प्रहारबाट बसका सिसा अधिकांश फुटेका छन् ।
बसमाथि तोडफोड गरेपछि झनै उग्र बनिरहेको भिड मन्त्रीको गाडी आउनासाथ रोकेर आगो लगाएका थिए । यातायात मन्त्री प्रकाश ज्वालाका प्रेस संयोजकका अनुसार पार्टी बैठकमा मन्त्रीलाई छोडेर सिंहदरबार फर्कँदै गरेको गाडीमा प्रदर्शनकारीले आगजानी गरेका हुन् ।
आगजनीमा उत्रिएका ५ प्रदर्शनकारीलाई ललितपुर प्रहरीले पक्राउ गरेको छ ।
पुस १३, २०८० ०६:४१ मा प्रकाशित
