काठमाडौं । एनसेलको शेयर खरिदविक्रिबारे नेपाली कांग्रेसका महामन्त्री एवं प्रतिनिधिसभा सदस्य गगन थापाले प्रश्न उठाएका छन् । उनले एनसेलको शेयर विक्रिमा राजनीतिक साँठगाँठ भएको हुनसक्ने आशंका समेत व्यक्र गरेका छन् ।
शुक्रबार प्रतिनिधसभाको राज्यव्यवस्था समितिमा बोल्दै उनले एनसेलको शेयर विक्रि रातारात नभएको समेत दावी गरे । यसमा राजनीतिक र प्रशासनिक क्षेत्रको ठूलो भरथेग नभई उक्त कुरा संभव नभएको उनको दावी छ ।
दूरसञ्चार सेवा प्रदायक कम्पनी एनसेल आजियटा लिमिटेडको शेयर कारोबारले यतिबेला देशमा ठूलो तरंग पैदा गरेको छ । मलेसियन कम्पनी ‘आजियटा ग्रुप बर्हाड’ले एनसेलको ८० प्रतिशत शेयर स्वामित्व अर्को कम्पनी ‘स्पेक्ट्रलाइट युके लिमिटेड’लाई बेच्ने निर्णय गरेपछि यो व्यावसायिक कारोबारको कानुनी प्रक्रियाको वैधता र आर्थिक पादर्शितामाथि गम्भीर प्रश्न उब्जिएका छन् ।
यसअघि राष्ट्रिय स्वतन्त्र पार्टीका सभापति रवि लामिछानेले छनबिन गर्न बनाइएको समिति र त्यसका सदस्य सम्बन्धमा प्रश्न उठाएका थिए ।
