बिहीबार बिहान ९ बजे पोखराबाट काठमाडौँ उड्न लागेको उडान नं ६५२ को बुद्ध एअरको जहाजको आकस्मिक ढोका खोल्ने यात्रुलाई प्रहरी नियन्त्रणमा लिएको छ ।
पोखराबाट काठमाडौँ उड्न लागेको बुद्ध एयरको विमानको इमर्जेन्सी ढोका यात्रु भीम परियारले अचानक खोलिदिएका थिए । जहाजमा सबै यात्रु चढाएर रनवेतर्फ जहाज जान लाग्दा परियारले ढोका खोलिदिएका थिए ।
परियारले के कति कामले जहाजकाे ढाेका खाेले भन्ने विषयमा प्रहरीले अनुसन्धान गरिरहेकाे छ ।
जहाजको ढोका खुलेपछि उक्त जहाजको उडान रद्द गरेर अन्य यात्रुलाई एक घण्टा ढिलो अर्को जहाजमा काठमाडौँ पठाइएको छ । उक्त जहाजलाई इन्जिनियरले परीक्षण गरेर उडानका लागि योग्य छ भनेपछि मात्र उडान गर्न दिइने बुद्ध एयर पोखराले जनाएको छ ।
पुस ५, २०८० ०४:०१ मा प्रकाशित
