काठमाडौँ । सत्तारुढ दल नेपाली कांग्रेसका केन्द्रीय सदस्य तथा सांसद चन्द्र भण्डारीले राष्ट्रिय स्वतन्त्र पार्टी (रास्वपा) का सभापति रवि लामिछानेमाथि सहकारी ठगी र संगठित अपराधसँगै सम्पत्ति शुद्धीकरणको समेत अभियोगमा कास्की जिल्ला अदालतमा दायर भएपछि प्रतिक्रिया दिएका छन् ।
अदालतमा रवि लामिछानेको बयान चलिरहँदा सत्तारुढदल नेपाली कांग्रेसका सांसद भण्डारीले सम्पत्ति शुद्धीकरणको मुद्दा चलाउने हो भने कुनै नेता पनि बाँकी नरहने बताएका हुन् ।
शुक्रबार सामाजिक सञ्जालमा स्टाटस लेख्दै उनले भनेका छन्ः ‘सम्पत्ति शुद्धीकरणको मुद्दा जिल्ला जिल्लाबाट जसको जहाँबाट पनि चलाउने हो भने अब बाँकी रहन्छ को? बुझ्ने कोसिस गर’, ‘प्रतिक्रियामा रमाउने साथीहरूले हतार नगरौँ कि! सत्यलाई सत्य थाहा हुन्छ।’
पुस १२, २०८१ ०३:२७ मा प्रकाशित
