काठमाडौँ । नेकपा एमालेका नेता महेश बस्नेतसँग नाम जोडिएकी विवादित महिला शोभा पाठक उर्फ जानुका पाठकलाई साधारण तारेखमा छोड्न काठमाडौँ जिल्ला अदालतले आदेश दिएको छ ।
गत पुष १ गते पक्राउ परेकी उनलाई प्रहरीले साइबर अपराधको कसुरमा मङ्गलबार काठमाडौँ जिल्ला अदालतमा मुद्दा दायर गरेको थियो । काठमाडौँ जिल्ला अदालतका न्यायाधीश खिमानन्द भुसालको इजलासले पाठकलाई साधारण तारेखमा छोड्न बिहीबार आदेश दिएको हो ।
महेश र शोभाको मुद्दा मिलाउन त्रिपाठीको इन्ट्री, अन्त्यमा दुई बीच नै झगडा
पाठकले आफू र महेश बस्नेत बीचको विवाद मिलाउन बुबा नाता लगाएर आएका राजकुमार त्रिपाठीले विश्वासघात गरेको भन्दै फेसबुकबाट त्रिपाठीलाई गाली गरेकी थिइन् ।
पाठकले आफ्नो बेइज्जत गरेको भन्दै त्रिपाठीले प्रहरीमा उजुरी दिएका थिए । सोही उजुरीका आधारमा पाठक पुष १ मा पक्राउ परेकी थिइन ।
पुस ११, २०८१ ०६:१६ मा प्रकाशित
