काठमाडौँ । आज र भोली नेपालका अधिकांश स्थानका मौसममा परिवर्तन देखिदैछ । जल तथा मौसम पूर्वानुमान महाशाखाकाअनुसार पश्चिम नेपालबाट सुरु भएको मौसमी परिवर्तन पहाडी भूभाग हुँदै पूर्वसम्म फैलिने छ ।
बिहीबार विभागले जारी गरेको मौसम बुलेटिनअनुसार सूदुरपश्चिम देखि कोशी प्रदेशसम्मका उच्च हिमाली १८ जिल्लामा हिमपात हुने अनुमान गरिएको छ । यस्तै, ति बाहेकका ३२ जिल्लामा हल्का वर्षा हुने विभागको पूर्वानुमान छ।
पश्चिमी न्यून चापीय प्रणालीका कारण शुक्रबारको साँझबाट नेपालको धेरै स्थानहरूमा आंशिक देखि साधारणतया बदलीको सम्भावना रहेको छ। सो प्रणालीको प्रभावका कारण मिति २०८१ पुस १२ गते ९शुक्रबार० अपरान्ह देखि मिति २०८१ पुस १३ गते ९शनिबार० सम्म सुदूरपश्चिम प्रदेश र कर्णाली प्रदेशका उच्च पहाडी तथा हिमाली भू(भागका अधिकांश स्थानहरूमा तथा गण्डकी प्रदेश, बागमती प्रदेश र कोशी प्रदेशका उच्च पहाडी तथा हिमाली भू(भागका केही स्थानहरूमा हल्का देखि मध्यम हिमपात हुने सम्भावना रहेको छ ।
साथै सुदूरपश्चिम प्रदेश र कर्णाली प्रदेशका धेरै स्थानहरू र लुम्बिनी प्रदेशका केही स्थानहरुमा हल्का देखि मध्यम वर्षा तथा गण्डकी प्रदेश, बागमती प्रदेश, मधेश प्रदेश र कोशी प्रदेशका थोरै स्थानहरूमा हल्का वर्षाको सम्भावना रहेको छ । साथै उक्त मौसम प्रणालीको असरले तापक्रम समेत घट्न गई चिसो बढ्न सक्ने सम्भावना रहेको छ ।
