सरकारले सांसद विकास कोषको ८ अर्ब २५ करोडमा १ अर्ब ७५ करोड थपेर १० अर्ब बनाई भूकम्प प्रभावितको घर निर्माणमा खर्च गर्ने भएको छ ।
सोमबार बसेको मन्त्रीपरिषद् बैठकले संसदीय क्षेत्र पूर्वाधार विकास कार्यक्रमको पैसामा थपेर १० अर्बको भूकम्प पीडित राहत कोषमा जम्मा गर्ने निर्णय गरेको हो ।
सांसद विकास कोषअन्तर्गत प्रतिसांसद (प्रतिनिधि सभा सदस्य) ५ करोडका दरले ८ अर्ब २५ करोड रकम छुट्याइएको भए पनि कार्यान्वयन भने भएको छैन।
यसविरुद्ध परेको रिटमा सर्वोच्च अदालतले यो कार्यक्रम कार्यान्वयन नगर्न निर्देशन दिएको थियो ।
मन्त्रिपरिषद्को बैठकले पूर्ण क्षति भएका र आंशिक क्षति भई बस्न योग्य नरहेको घर भएको परिवारलाई अस्थायी आवास बनाउन ५० हजार दिने निर्णय समेत गरेको छ ।
कार्तिक २७, २०८० ०६:५० मा प्रकाशित
