वीरगंज । आम जनता पार्टी (आजपा) ले वर्तमान संविधानको खारेजीको माग गर्दै वीरगंजमा आज अन्त्येष्टी यात्रा निकालेको छ । सरकारले संविधान दिवस मनाइरहेको दिन आजपाले संविधानको खारेजीको माग गर्दै देशका विभिन्न ठाउँमा विरोधस्वरूप अन्त्येष्टी यात्रा आयोजना गरेको हो ।
विरोध कार्यक्रमलाइ प्रहरीले हस्तक्षेप गर्दै आम जनता पार्टीका केन्द्रीय कमिटी सचिव बाबुराम कौशिक, मधेस प्रदेशका अध्यक्ष उमेश कुशवाहा, नेता श्रीभगवान पटेल, लालबाबु मन्सुरी, किरण यादव, सुनिल साह, राकेश बैठा, सन्देश साह, सन्धया पासवान लगायतका केही नेताहरूलाई पक्राउ गरेको छ ।
आजपा केन्द्रीय सदस्य एवं मधेस प्रदेशका प्रवक्ता डा. हेमप्रसाद साहले प्रहरीले गरेको धरपकड र हस्तक्षेपको कडा भर्त्सना गर्दै पक्राउ परेका नेताहरूलाई अविलम्ब रिहा गर्न माग गरेका छन् ।
आश्विन ३, २०८१ ०४:२९ मा प्रकाशित
