काठमाडौँ । केन्द्रीय अनुसन्धान ब्युरो (सीआइबी)ले पक्राउ गरेका अभियन्ता तथा मेडिकल व्यवसायी दुर्गा प्रसाईँलाई साइबर अपराधको मुद्दामा अनुसन्धान हुने भएको छ । सीआईबी प्रवक्ता होविन्द्र बोगटीका अनुसार मंगलबार निवासबाटै पक्राउ गरिएका प्रसाईविरुद्द आजै अदालतबाट म्याद थप गरेर अनुसन्धान अघि बढाइने भएको हो ।
‘प्रसाईँले नक्कली डकुमेन्ट बनाएर सामाजिक सञ्जालमा भ्रम छरेको पाइएपछि पक्राउ गरिएको हो ।’, सिआइबीका प्रवक्ता बोगटीले भने, ‘उनीविरुद्ध विद्युतीय कारोबार ऐन, २०६३ बमोजिम अनुसन्धान हुन्छ ।’
उनले प्रसाईँलाई आजै अदालतबाट म्याद थप गरेर अनुसन्धान सुरु गर्ने बताए ।
दुर्गा प्रसाईंले सोमबार निज निवासमा पत्रकार सम्मेलन गर्दै केपी शर्मा ओलीले कम्बोडियाको टेलिकममा लगानी गरेको भन्दै विवादास्पद अभिव्यक्ति दिएका थिए । उनले आफ्नो फेसबुक अकाउन्टमार्फत सो अभिव्यक्तिलाई पुष्टि गर्न केही कागजात समावेश गरेर भिडियो सामाग्री बनाएर अपलोड गरेका थिए ।
