२३ भदाै, बाँके - बाँकेमा गयराती भएको बस दुर्घटनामा सात जनाको मृत्यु भएको छ।
शुक्रबार राति ९ बजेतिर दाङबाट बर्दियातर्फ आउँदै गरेको ना ७ ख २३२१ नम्बरको बस बाँकेको शमशेरगन्जमा रोकिराखेको ना ८ ख ६४०५ नम्बरको ट्रकमा ठोक्किँदा ७ जनाको मृत्यु भएको छ भने ३० जना घाइते भएका छन् ।
मृत्यु हुनेमा ठाकुरबाबा–९ की ५५ वर्षीया कस्तुरी थापा, ५० वर्षीय काँशीराम थारू, ५० वर्षीया रूपा परियार, ३५ वर्षीया जयन्ती थारू, ६५ वर्षीय साधुराम चौधरी, बस चालक ४५ वर्षीय जुगहादुर चन्द (ठाकुरबाबा–८ ) र ३५ वर्षीय गाडी सहचालक रहेका छन् । सह चालकको भने पहिचान खुलेको छैन ।
जिल्ला प्रहरी कार्यालय बाँकेका अनुसार घाइतेहरुको बाँकेको कोहलपुर मेडिकल कलेजमा उपचार भइरहेको छ ।
भाद्र २३, २०८० १२:०८ मा प्रकाशित
