काठमाडाैँ । सहकारी संस्था बचत रकम संसदीय छानबिन विशेष समितिले छानविनका क्रममा आइपर्ने कानूनी लगाएत बिविध पक्षहरुमा सरोकारवाला निकायसंग छलफल गरेको छ ।
संसद भवन बानेश्वरमा बुधबार बसेको समिति बैठकले कानून मन्त्रालय र कानून आयोगका सचिवसहितका पदाधिकारसंग छानविनका क्रममा आइपर्ने कानूनी लगाएत बिविध पक्षहरुमा छलफल गरेको समिति संयोजक सुर्य थापाले जानकारी दिए ।
समितिको कार्यादेशसँग सम्बन्धित विषयहरुमा कानुनी अस्पटता, अधिकार क्षेत्रको बाँडफाँटसँग सम्बन्धित विषयलगायतमा उठेका प्रश्नलाई हल गर्ने प्रयास समेत भएको थापाले बताए । उनले छानविन, कारवाही सिफारिस लगाएतका व्यवस्थामा विद्यमान संवैधानिक अवस्था र यसअघिको अभ्यासका बारेमा स्पष्टता भएको धारणा राखे ।
उनले अर्को बैठक असार १० गते बस्ने र समस्याग्रस्त सहकारीका प्रतिवेदनमा अध्ययन हुने जानकारी दिए ।
असार ५, २०८१ ०४:५६ मा प्रकाशित
