काठमाडाैँ । नेकपा माओवादी केन्द्रका तर्फबाट ५ जना मन्त्रीहरु सरकारमा जाने भएका छन् । पार्टीका वरिष्ठ उपाध्यक्ष नारायणकाजी श्रेष्ठ परराष्ट्र मन्त्री बन्ने भएका छन् भने उपमहासचिव वर्षमान पुन अर्थमन्त्री बन्ने भएका छन् ।
त्यस्तै यसअघि पनि संचार मन्त्रालयको जिम्मेवारी सम्हालेकी रेखा शर्माले पुन सञ्चार मन्त्रालयको जिम्मेवारी सम्हाल्ने भएकी छिन् भने ऊर्जा, जलस्रोत तथा सिँचाइ मन्त्रालयको जिम्मेवारी शक्ति बस्नेत पाएका छन् । त्यस्तै सोमबार सपथ लिएका हितबहादुर तामाङले संस्कृति, पर्यटन तथा नागरिक उड्डयन मन्त्रालयको जिम्मेवारी सम्हाल्ने भएका छन् ।
माओवादीबाट मन्त्री बनेका नारायणकाजी श्रेष्ठ यसअघि पनि उपप्रधान तथा गृहमन्त्री थिए भने शक्ति बस्नेत पनि माओवादीबाटै उर्जा मन्त्री बनेका थिए ।
फाल्गुन २३, २०८० ०२:५९ मा प्रकाशित
