भदाै २९ - संसदीय सुनुवाइ समितिले सर्वोच्च अदालतको न्यायाधीशमा विनोद शर्माको नाम सर्वसम्मतिले अनुमोदन गरेको छ ।
सिंहदरबारमा शुक्रबार भएको संसदीय सुनुवाइमा उनको नाम सर्वसम्मतिले अनुमोदन गरेको हो ।
न्यायपरिषद्ले विनोद शर्मालाई सर्वोच्च अदालतको न्यायाधीशका रूपमा नियुक्तिका लागि प्रक्रिया अघि बढाउन संवैधानिक परिषद्लाई दोस्रो पटक लेखिपठाएको थियो । उनै शर्माको नाम आज सर्वसम्मतिले अनुमोदन भएको छ ।
त्यस्तै शर्माको नियुक्तिविरूद्ध सुनुवाइ समितिले उजुरी आह्वान गरे पनि कुनै पनि उजुरी परेको थिएन।
शर्मालाई न्याय परिषद्ले भदौ १० गते न्यायाधीश पदमा नियुक्तिका लागि सिफारिस गरेको थियो।
भाद्र २९, २०८० ०५:३० मा प्रकाशित
