सिंहदरबारबाट आरती साहको आमा र भाइ पक्राउ परेका छन् । उनीहरु विगत लामो समयदेखी आरती साहको न्यायको लागी लड्दै आएका थिए । लामो समयदेखिकाठमाडौँमा धर्ना बसेका उनीहरु मंगलबार ज्ञापनपत्र बुझाउन सिहदरबार छिर्ने क्रममा दक्षिण गेटबाट पक्राउ परेका हुन् ।
धनुषाको जनकपुरमा उपमहानगरपालिका ९ की २२ वर्षीया आरती साहको गत जेठ ७ गते घरमै रहस्यमय मृत्यु भएको थियो ।
माइतीपक्षले आरतीका श्रीमान पक्षले दाइजोको निउँमा हत्या गरेको दाबी गर्दै आएका छन् भने श्रीमान पक्षले आरतीले आत्महत्या गरेको दाबी गर्दै आएका छन् । विवाह पछि निरन्तर दाइजोको दबाब दिइरहेका परिवारले हत्या गरेर अस्पताल पुर्याएको आरतीका बाबु आमा बताउँछन् ।
आरतिको मृत्यु लगत्तै जनकपुरमा प्रदर्शन गर्दा प्रहरीले हातपात गर्नुका साथै घटना दबाउन खोजेको भन्दै उनीहरू काठमाडौँ आएर धर्न सुरु गरेका हुन् । प्रहरीले श्रीमानपक्ष सँग मिलेर मुद्दा कमजोर बनाएको बताउँदै आएका छन् ।
