काठमाडाैँ । दक्षिण अफ्रिकाले इतिहास रचेको छ । बिहीबार बिहान भएको टी-२० विश्वकप सेमिफाइनलमा अफगानिस्तानलाई ९ विकेटले हराउँदै दक्षिण अफ्रिका पहिलोपटक फाइनलमा पुगेको हो ।
टस जितेर ब्याटिङ रोजेको अफगानिस्तानले ११.५ ओभरमा सबै विकेट गुमाएर ५६रन बनाएको थियो । अफगानिस्तानले दिएको ५७ रनको सामान्य लक्ष्य दक्षिण अफ्रिकाले ८.५ ओभरमा १ विकेट गुमाएर भेट्टाएको हो ।
यसअघि सन् २००९ र २०१४ मा सेमिफाइनल खेलेको दक्षिण अफ्रिका १० वर्षपछि अहिले सेमिफाइनलमा पुगेको थियो।
अफगानिस्तानलाई हराउँदै फाइनल प्रवेश गरेको दक्षिण अफ्रिकाले आज बेलुका हुने खेलमा जित हात पार्ने टिमसँग फाइनल खेल्ने छ । आज बेलुका इङ्ल्यान्ड र भारतबीच खेल हुनेछ ।
असार १३, २०८१ ०८:५३ मा प्रकाशित
