काठमाडौँ । राष्ट्रिय स्वतन्त्र पार्टीका सभापति रवि लामिछाने आइतबार काठमाडौ जिल्ला अदालतमा उपस्थित हुने भएका छन् । विहीबार कास्की जिल्ला अदालतबाट धरौटीमा रिहा भएका लामिछानेका विरुद्ध काठमाडौँ जिल्ला अदालतमा पनि मुद्दा दायर भएको छ ।
हिजोनै कास्की प्रहरीले रिहा भएलगत्तै पक्राउ गरि काठमाडौ पठाउने तयार गरेपनि जिल्ला अदालत कास्कीको आदेशमा उनलाई धरौटी पछि रिहा गर्न भनिएको थियो ।
सोहि कारण कास्की प्रहरीले लामिछानेकी पत्नी निकिता पौडेलको जिम्मा लगाएर काठमाडौ अदालतमा उपस्थित हुने गरी रिहा गरेको थियो ।
रास्वपाका सहकोषाध्यक्ष दिपक बोहराका अनुसार लामिछाने आइतबार विहान ८ः३० बजेनै काठमाडौँ जिल्ला अदालतमा उपस्थित हुने छन् ।
रास्वपाका नेताहरु सहित लामिछाने अहिले कास्कीबाट काठमाडौ आउँदै छन् ।
पुस २६, २०८१ ०३:५७ मा प्रकाशित
