काठमाडौं । प्रधानमन्त्री केपी शर्मा ओलीले राष्ट्रपति रामचन्द्र पौडेललाई भेटेर छलफल गरेका छन् ।
शुक्रबार अपरान्ह कानूनमन्त्री अजयकुमार चौरसिया र मुख्यसचिव एकनारायण अर्याल सहित प्रधानमन्त्री ओली शीतल निवास पुगेका थिए ।
भेटमा देशको समसामयिक विषयमा छलफल भएको राष्ट्रपतिको सचिवालयले जनाएको छ । समसामयिक भनिएपनि सचिवालयले विषय स्पष्ट खुलाएको छैन । तर स्रोतका अनुसार सरकारले पार्टी विभाजन सम्बन्ध अध्यादेश ल्याउनुपूर्व राष्ट्रपतिको मनसाय बुझ्न ओली शितल निवास पुगेका थिए ।
नियमित तालिका भन्दा फरक आजै साँझ प्रधानमन्त्री ओलीले मन्त्रिपरिषद्को बैठक समेत बोलाएका छन् ।
प्रधानमन्त्री कार्यालय स्रोतका अनुसार आज बस्ने बैठकमा अध्यादेश ल्याउने निर्णय गर्न सक्ने छ ।
पुस २६, २०८१ ०६:३५ मा प्रकाशित
