काठमाडौँ । नेकपा माओवादी केन्द्रका अध्यक्ष प्रचण्डले वर्तमान सत्ता गठबन्धन लामो समय नचल्ने बताएका छन् । सिंहदरबारमा आयोजित दलहरूको छलफलमा सहभागी भएर फर्किने क्रममा प्रचण्डले सञ्चारकर्मीहरूलाई संक्षिप्त प्रतिक्रिया दिँदै यस्तो दाबी गरेका हुन् ।
‘अप्राकृतिक, अलोकतान्त्रिक र अपारदर्शी छ ’ प्रचण्डले भने,‘ अप्राकृतिक भनेको यो लामो समय चल्दैन ।’ उनले आफूहरू समाजवादी मोर्चालाई गतिलो गरी चलाउने गरी लागि परिरहेको र त्यसैका लागि छलफलमा जुटेको पनि बताए ।
पुस २६, २०८१ ०६:३५ मा प्रकाशित
