काठमाडौं । लागू औषध कारोबारीलाई समात्ने क्रममा प्रहरीले गोठाटारमा गोली चलाएको छ । प्रहरीले चलाएको गोली भारतीय नागरिक मोहमद करिमको दाहिने तिघ्रामा लागेको छ ।
लागुऔषध कारोबारमा संलग्न करिमलाई पक्राउ गर्ने क्रममा प्रहरीमाथि आक्रमणमा उत्रिएपछि गोली चलाउनुपरेको उपत्यका अपराध अनुसन्धान कार्यालयका एसपी रवीन्द्र रेगमीले जानकारी दिए ।
रेग्मीका अनुसार भारतीय नागरिक करिमसँगै नेपाली नागरिक हर्क लिम्बु पनि पक्राउ परेका छन् । उनीहरुको साथबाट प्रहरीले दुई सय ग्राम खैरो हिरोइन र तराजु बरामद गरेको छ ।
कार्तिक १५, २०८० ०६:४४ मा प्रकाशित
