मुगुमा एकै घरमा आमा र तीन छोराछोरी सहित ४ जना हत्या भएको छ । छायानाथ रारा नगरपालिका ६ मन्दु गाँउमा २६ वर्षीया श्रीदेवी बोहोरा र उनका ११ वर्षीय छोरा मनोज बोहोरा, ७ वर्षीया छोरी अप्सरा बोहोरा र १ वर्षीया छोरा रहर बोहोरको हत्या भएको जिल्ला प्रहरी कार्यालय मुगुले जनाएको छ ।
दशैको दिन सोहि गाँउमा रहेको मातीघर पुगेर टिका लगाएर ८ गते बेलुकका घर फर्कीएका थिए । छिमेकीहरुका अनुसार ९ गते बिहानैदेखि घर बाहिर ताला लगाएको देखिएको थियो । तर आज सम्म पनि ढोका नखुलेपछि छिमेकीले प्रहरीलाई खबर गरेका थिए ।
शुक्रबार बिहान प्रहरीले ढोका तोडेर हेर्दा भित्र चारै जनाको शब भेटिएको थियो ।
अहिलेसम्म हत्या भएको देखिएपनि कसले किन गर्यो भन्ने अनुसन्धान भैरहेको जिल्ला प्रहरी कार्यालय मुगुका प्रहरी नायव उपरीक्षक वीरेन्द्र थापाले बताए ।
कार्तिक १०, २०८० ०६:३८ मा प्रकाशित
