काठमाडौं । राज्य व्यवस्था तथा सुशासन समितिले एनसेल प्रकरणमा जानकारी लिन प्रधानमन्त्री पुष्पकमल दाहाल प्रचण्डलाई बोलाउने निर्णय गरेको छ । शुक्रबार बसेको समितिको बैठकमा एनसेलको शेयर खरिदविक्रिबारे छलफल भएको थियो ।
सो क्रममा नेपाली कांग्रेसका महामन्त्री एवं प्रतिनिधिसभा सदस्य गगन थापाले एनसेलको शेयर विक्रिमा राजनीतिक र प्रशासनिक साँठगाँठ भएको हुनसक्ने आशंका व्यक्त गरेका थिए । नेकपा एकिकृत समाजवादीका नेता तथा प्रतिनिधिसभा सदस्य राजेन्द्र पाण्डेले पनि एनसेलको शेयर खरिद विक्रि नाटक मात्रै भएको बताएका थिए । त्यस्तै समितिका अन्य सांसदहरुले पनि शेयर खरिद प्रकरणमा शंका व्यक्त गर्ने ठाउँ प्रशस्त रहेको खुलाएका थिए ।
उक्त छलफलपछि प्रधानमन्त्रीको समय मिलाएर छलफलको मिति तय गरिने समितिका सभापति राहमहरि खतिवडाले बताए ।
मंसिर २२, २०८० ०८:०१ मा प्रकाशित
